Patriarku i Kishës Ortodokse Rumune, Daniel, ka dërguar një mesazh ngushëllimi për ndarjen nga jeta të Kryepeshkopit të Tiranës, Durrësit dhe të gjithë Shqipërisë, Anastas Janullatos.

Në mesazhin e tij, Patriarku Daniel shpreh pikëllim të thellë për humbjen e Kryepeshkopit Anastas dhe u shpreh ngushëllime të përzemërta anëtarëve të Sinodit të Shenjtë dhe gjithë Kishës Ortodokse të Shqipërisë.

“Me pikëllim të thellë morëm lajmin për ndarjen nga kjo botë të vëllait tonë të dashur në Krisht, Kryepiskopit të Tiranës, Durrësit dhe të Gjithë Shqipërisë, Anastasit të bekuar të kujtimit, personalitetit të njohur të Ortodoksisë bashkëkohore dhe mik të ngushtë të Kishës Ortodokse Rumune”, thuhet në mesazhin e Patriarkut.

Ai gjithashtu shpreh lutjen që Zoti Jezu Krisht, i cili është ringjallja dhe jeta, të pushojë shpirtin e Kryepeshkopit Anastas në një jetë të përjetshme, pa dhimbje dhe vuajtje.

“Një kujtim i përjetshëm për të, brez pas brezi,” përfundon mesazhi i Patriarkut të Kishës Ortodokse Rumune.

LEXONI GJITHASHTU:

• Ndahet nga jeta Kryepeshkopi i Shqipërisë Anastas Janullatos
• Ndarja nga jeta e Kryepeshkopit Janullatos, reagon kryeministri grek