Partia Demokratike ka reaguar ndaj deklaratës së ministres së Mbrojtjes, Olta Xhaçka, e cila tha se akuzat për abuzime me tender janë inskenime. Në një deklaratë të ish-deputetit, Enkelejd Alibeaj thuhet se, ministrja nuk tha asgjë lidhur me tenderin por vetëm sulmoi opozitën.
“Për 3 ditë Edi Rama dhe Olta Xhaçka heshtën. Asnjë fjalë, asnjë përgjigje. Sot, pas 3 ditësh, në vend të transparencës, Xhaçka sulmoi me gjuhë urrejtje opozitën. Ju të gjithë e dini thënien “mbrojtja më e mirë është sulmi. Por sulmi me shpifje vetëm zbulon sa nervozë janë Rama dhe Xhaçka. Zbulon se po fshehin të vërtetën e skandalit me 1,5 milion euro të shqiptarëve, për ushqimet e njerëzve në nevojë, që i janë dhënë një kompanie kompjuterash pa asnjë lidhje, në Maqedoni”, u shpreh z. Alibeaj.
Lidhur me përzgjedhjen e një kompani nga Maqedonia për tenderin me vlerë 1.5 milionë euro, Partia Demokratike ka depozituar padi ndaj ministres së Mbrojtjes, Olta Xhaçka.
Lexoni gjithashtu:
Ministrja Xhaçka i përgjigjet opozitës: Hiqni dorë nga inskenimet dhe ejani na ndihmoni në terren