Kryebashkiaku i Divjakës, Fredi Kokoneshi i është përgjigjur akuzave të Grupit Parlamentar të Partisë Demokratike, që kërkuan hetim ndaj tij, pasi pretendojnë se është subjekt i ligjit të dekriminalizimit.

Në një reagim për Euronews Albania, Kokoneshi u shpreh se kërkesa për hetim ndaj tij është një riciklim i akuzave qe i janë bërë fillimisht në vitin 2018.

Për ato akuza, Kokoneshi thotë se është pergjigjur nje herë Prokuroria, e cila nga hetimet që ka bërë në ato kohë, nuk ka konstatuar asnjë shkelje.

“Kjo është shpifja e radhes nga ajo pjese e PD-së. Është një shantazh që ata ma bëjnë sërish me qëllim që të mbrojnë uzurpuesit e pronave në bregdet. Si atëherë edhe tani, përgjigja ime do të jetë një padi për shpifje”, theksoi ai.

LEXONI GJITHASHTU

• Nën hetim për pastrim parash biznesmeni në Durrës
• Hetim për Kadastrën e Tiranës pas deklaratave të Artan Lames