Ka përfunduar në Korçë Olimpiada Matematikore e 19 Ballkanike Studentore e organizuar për herë të parë në Shqipëri nga Shoqata e Matematikës në Europën Juglindore.
Në këtë olimpiadë kanë marrë pjesë 111 studentë nga 27 universitete nga Shqipëria, Greqia, Maqedonia e Veriut, Bullgaria, Rumania e Turkmenistani
Për Ardian Naco, kryetar i shoqatës shqiptare të matematikës organizimi i kësaj olimpiade nuk ka qenë e lehtë por që ia dolën.
I pyetur për nivelin e studentëve shqiptarë në këtë olimpiade ai tha se ka nevojë për pjesëmarrje të vazhdueshme në nivele të tilla
Një nga studentet ekselente nga Turqia, tregon se është habitur me nivelin e studentëve shqiptarë në këtë fushë
“Vij nga Antalya, për mua është hera e parë që vij në Shqipëri ndërsa në olimpiada të tilla kam marrë pjesë disa herë. Më bën përshtypje mikpritja që na është ofruar dhe zgjuarsia e të rinjve shqiptarë e jo vetëm”, tha Oguz Han, pjesëmarrëse në olimpiadë.
Mbrëmë në teatrin” Andon Zako Çajupi “është organizuar ceremonia e shpërndarjes së medaljeve për studentët më të mirë në këtë olimpiade, por që studentët shqiptarë nuk u vlerësuan me asnjë medalje.
LEXONI GJITHASHTU:
- Ceremonia e mbylljes së Lojërave Olimpike, zbulohen yjet që do performojnë
- Lebron James udhëheq SHBA në Lojërat Olimpike, 39-vjeçari do të jetë flamurmbajtësi
