Ukraina për herë të parë mori gaz natyror të lëngshëm nga SHBA-të përmes një terminali në Greqi, që paraqet një hap strategjik, njoftoi kreu i kabinetit të presidentit ukrainas Volodymyr Zelensky, Andriy Yermak, njoftuan sot mediat ukrainase.
“Kjo nuk është vetëm një dërgesë gazi, ky është një hap strategjik. Pavarësisht përpjekjeve të Rusisë për të shkatërruar sistemin tonë energjetik gjatë luftës, ne arritëm një fitore tjetër në frontin e energjisë”, shkroi Yermak në kanalin Telegram.
Siç shtoi ai, kompania ukrainase e energjisë DTEK mori gaz përmes terminalit grek, i cili tregoi një nivel të lartë bashkëpunimi ndërkombëtar, raportoi Ukrinform.
Sipas Yermak, marrëveshja për dërgesat e gazit të lëngshëm është arritur me kompaninë amerikane Venture Global deri në vitin 2026 dhe përfaqëson stabilitet dhe siguri në të ardhmen për miliona ukrainas.
Zyrtari ukrainas theksoi se vendi i tij po integrohet me sukses në tregun global të energjisë, në të njëjtën kohë duke falënderuar partnerët ndërkombëtarë për mbështetjen dhe besimin e tyre.
“Së bashku ne po çlirojmë sistemin global të energjisë nga shantazhet ruse”, tha Yermak.
Sanksionet e BE-së për gazin e lëngshëm rus hynë në fuqi më 20 dhjetor, kujtoi Ukrinform.
LEXONI GJITHASHTU:
- Ukrainasit shpresojnë për një shkëmbim të burgosurve të Vitit të Ri me Rusinë
- Ukraina nis dërgimin e ndihmave ushqimore në Siri, Zelensky: U dërguan 500 ton miell
