Kryetari i Bashkisë së Elbasanit, Gledjan Llatja u shpreh se kryemiinstri Edi Rama jo vetëm i ka kritikuar kryebashkiakët, por edhe lavdëruar në lidhje me përballimin e fatkeqësive natyrore, e së fundmi për zjarret.
Në një intervistë për “Euronews Albania”, Llatja u shpreh se ka marrë lëvdata nga Rama, për menaxhimin e mirë financiar që bashkia e tij ka pasur.
“Në fakt na kritikon, na lavdëron. Është një marrëdhënie, nuk është vetëm kritikë. Bashkia e Elbasanit është lavdëruar për menaxhimnin e mirë financiar që ne kemi pasur dhe për uljen e borxhit. Kritika nga kryeministri nuk ka pasur. Absolutisht, ka edhe punë të cilat nuk ecin mirë, por nuk di specifikisht, nuk kemi pasur një problematikë të theksuar në Elbasan’, theksoi ai.
Llatja shtoi se në Elbasan ka pasur zjarre të qëllimshme, të cilat që kanë dale jashtë kontrollit në disa momente të caktuara.
Kjo sipas tij, ka dashur një bashkëveprim më i mirë i institucioneve, për të përballuar shuarjen e zjarreve.
LEXONI GJITHASHTU