Mëngjesin e sotëm një zjarr i madh ka përfshirë një fabrikë që ka materiale për izolimin e objekteve në Tetovë.
Deri më tani raportohet për 3 persona të lënduar.
Për më shumë se 3 orësh, policia, ushtria dhe zjarrfikësit bashkë me kolegët e tyre nga Gostivari dhe Shkupi, janë duke punuar për shuarjen e flakëve.
Është bërë e mundur vetëm lokalizimi i flakëve. Edhe një helikopter ka hedhur ujë nga ajri disa herë.
Ndërkohë në godinat e fabrikës që nuk janë përfshirë nga flakët, po nxirren materiale.
Policia ka kufizuar lëvizjen e qytetarëve afër kësaj zone, si dhe është dhënë urdhër që fëmijët të mos shkojnë në shkolla apo çerdhe.