Drejtori i Zyrës për Kosovën në Qeverinë serbe, Petar Petkoviç, tha se Asociacioni i komunave me shumicë serbe nuk është vetëm dëshirë, por nevojë e të gjithë serbëve në Kosovë.

Këto deklarata Petoviç i bëri më 9 dhjetor, pasi paraprakisht kryeministri i Kosovës, Albin Kurti, deklaroi para deputetëve të Kuvendit të Kosovës, se nëse Serbia dëshiron që të formohet Asociacioni, duhet të njohë pavarësinë e Kosovës, shkruan REL.

“Formimi i Asociacionit të komunave me shumicë serbe nuk është çështje e dëshirës së Albin Kurtit, por obligim i Prishtinës që buron nga Marrëveshja e Brukselit dhe Bashkimi Evropian garantoi zbatimin e kësaj marrëveshjeje të nënshkruar. Fakti që Kurti mburret se ai është kundërshtari më i madh i Asociacionit është çështje për komunitetin ndërkombëtar, por edhe për ekspertët nga fusha të tjera, jashtë politikës”, tha Petkoviç.

LEXONI GJITHASHTU:

• Cana: Asosacioni është ‘gogoli’ që krijoi Kurti për pushtet, tani të përballet
• Lama: Kurti e ka pranuar asosacionin, po blen kohë për ta futur në marrëveshje