Petrit Doda është zgjedhur kryetari i Partisë Demokratike për e degën e Kamzës. Në fjalën e tij me këtë rast sekretari i përgjithshëm i PD, Flamur Noka tha se demokratët janë sot, pas kalvarit të kaluar, më të bashkuar se kurrë dhe më të fortë se kurrë.

“Ne jemi në këtë ceremoni disa ditë pas zgjedhjeve pas përfundimit të zgjedhjeve në SHBA. Është lajm i madh jo vetëm për ne, por është lajm i madh për të gjithë të djathtët në të gjithë botën. Ai që kurdisi dhimbjen e demokratëve shqiptarë, ai që kurdisi vuajtjen 3 vjeçare të demokratëve shqiptarë, Xhorxh Soros. Sot tentakulat e tij i ka të mbledhura dhe të tkurrura, sepse iu prenë nga votuesit e SHBA më datën 5 nëntor. Ky është lajmi më i madh që mund të përçohet te çdo i djathtë në Shqipëri dhe kudo.

Ne jemi në një fazë të rëndësishme të jetës sonë politike, në fazën e mosbindjes civile, si rruga e vetme për t’u përballur me këtë regjim dhe rruga e vetme për ta detyruar këtë regjim dhe për t’i hapur rrugë asaj që është qeveria teknike. Prandaj ne, do të punojmë paralelisht në disa drejtime.

Kryesia e re që do të zgjidhet nesër, së bashku me kryetarin dhe i gjithë ekipi që do të marrë votëbesimin tuaj dhe të gjithë demokratëve kanë detyrë të shëndoshin dhe të vitalizojnë strukturat tona. Kamza e sotme nuk është Kamza e para 4 viteve. Ne duhet të jemi të qartë që e vetmja rrugë është kjo, do punojmë për mosbindje civile. Do të bëjmë gati për zgjedhje edhe strukturat tona.

Sigurisht që është punë e madhe dhe në 5-6 muaj, por ne kemi treguar se kur mobilizohemi ne ia dalim. 3 muaj në zgjedhjet e 2021 punuam dhe luftuam së bashku dhe për 3 muaj i dhamë një fitore PD në Kamëz si askund tjetër”, tha Noka.

LEXONI GJITHASHTU:

• Berisha: PD do ti kërkojë Komisionit të Venecias rishqyrtim të reformës në drejtësi
• Kallëzimi për djegien e karrigeve në Kuvend, SPAK merr vendimin për deputetët e PD