“Nëse policia nuk jep ende një vendim, do t’i rikthehemi aktivitetit tonë”.
Kështu u shpreh një prej pronarëve të mjeteve ujore në Durrës për “Euronews Albania”.
Ai tha se edhe pse ka dokumentacione të rregullta, biznesi i është pezulluar, duke i shkaktuar humbje të mëdha.
“Do përshkallëzojmë. Të na japin një vendim që të jetë i shkruar që të bazohemi diku, t’i drejtohemi gjykatës. Ose na lind e drejta për vazhdimin e ushtrimit të aktivitetit. Besoj që po. Nga të gjitha njoftimet në Shqipëri, pjesa e atyre që operojnë në turizëm, do vazhdojnë ushtrimin e biznesit, ata që janë conform ligjit. Kanë thënë që do dalin në det. Vetëm pjesa jonë po penalizohet dhe nuk po del në det.”, theksoi ai.
Disa ditë më parë, pronarët e mjeteve ujore zhilluan takim me drejtues të Policisë së Shtetit, në lidhje me vendimin për ndalimin e aktivitetit të mjeteve lundruese në plazhet e vendit.
Ata shpresojnë që situata të zgjidhet brenda disa ditëve, pasi ka një kosto për ta.
Ndalimi dhe kontrolli i mjeteve lundruese nga policia, vjen pas ngjarjes së rëndë të regjistruar në Himarë, ku humbi jetën një 7-vjeçare.
LEXONI GJITHASHTU
- Protestë kundër bllokimit të mjeteve lundruese, pronarët: Jemi kredimarrës
- Pronarët e skafeve presin zgjidhje brenda javës nga policia për pezullimet