Ministria e Brendshme ka bërë të ditur vendimin për të pezulluar të gjitha shërbimet që ofrohen në sportelet e Policisë së Shtetit, përfshirë aplikimet për dokumente identifikimi.
Masat janë marrë për kuadër të parandalimit të përhapjes së coronavirusit dhe do të jenë në fuqi deri më 3 prill.
Ministria e Brendshme bën të ditur se, shërbimet do të vijojnë të ofrohen në rrugë elektronike.
Masat:
1. Ndalohen të gjitha pritjet e qytetarëve në sportelet e shërbimeve në të gjitha institucionet e sistemit të Ministrisë së Brendshme, deri në një njoftim të dytë. Telefono MB – 0694134779
2. Përjashtohen nga ky ndalim vetëm rastet e kallëzimeve që qytetarët bëjnë pranë strukturave të Policisë së Shtetit. Sugjerohet edhe në këto raste kallëzimet të bëhen me shkrim. Telefono 112 ose denonco në Komisariatin Dixhital!
3. Pezullohet aplikimi i qytetarëve për karta identiteti dhe pasaporta deri në datë 03.04.2020.
4. Të gjithë aplikimet, kërkesat apo ankesat e qytetarëve do të pranohen vetëm në rrugë elektronike në adresat e institucioneve përkatëse. Për shërbime online drejtohu tek e-albania.