X, dikur Twitter, është ndaluar në Brazil pasi nuk arriti të përmbushë një afat të caktuar nga një gjyqtar i Gjykatës së Lartë për të emëruar një përfaqësues të ri ligjor në vend.
Alexandre de Moraes urdhëroi “pezullimin e menjëhershëm dhe të plotë” të platformës së mediave sociale derisa ajo të përmbushë të gjitha urdhrat e gjykatës dhe të paguajë gjobat ekzistuese.
Konflikti nisi në prill, kur gjykatësi urdhëroi pezullimin e dhjetëra llogarive X për përhapjen e dezinformatave.
Duke reaguar ndaj vendimit, pronari i X, Elon Musk tha: “Fjala e lirë është themeli i demokracisë dhe një pseudo-gjyqtar i pazgjedhur në Brazil po e shkatërron atë për qëllime politike”.
Rrjeti i mediave sociale thuhet se përdoret nga të paktën një e 10-ta e 200 milionë banorëve të vendit.
Deri të shtunën në mëngjes, disa përdorues kishin raportuar se aksesi në platformë nuk ishte më i mundur.
Ajo mbylli zyrën e saj në Brazil në fillim të këtij muaji, duke thënë se përfaqësuesja e saj ishte kërcënuar me arrestim nëse ajo nuk zbatonte urdhrat që ajo i përshkruan si “censurë” – si dhe të paligjshme sipas ligjit brazilian.
Gjykatësi Moraes kishte urdhëruar që llogaritë X të akuzuara për përhapjen e dezinformatave – shumë mbështetës të ish-presidentit të krahut të djathtë Jair Bolsonaro – duhet të bllokohen ndërsa janë nën hetim.
Ai tha se përfaqësuesit ligjorë të kompanisë do të mbaheshin përgjegjës nëse ndonjë llogari riaktivizohej.
