“Është një lidhje gjenetike e krimit të organizuar me pushtetin dhe politikën”.
Kështu u shpreh eksperti i sigurisë Ergys Muzhaqi në Euronews Albania, teksa komentoi ngjarjet e fundit kriminale në vend.
Sipas tij, në Shqipëri po lëvizim sasi të mëdha droge dhe sasi të mëdha parash, që sjellin edhe përplasjet mes bandave.
“Kjo është një situatë minimalisht e 5 viteve të fundit. Situata është përkeqësuar dhe rënduar. Kemi një situatë të rënduar, për shkak të sasive të madhe të lëndëve narkotike që qarkullojnë. Është një sasi e madhe parash. Është një lidhje gjenetike e krimit të organizuar me pushtetin dhe politikën”, u shpreh eksperti.
Ai u shpreh se pritet që situata pritet të përkeqësohet në të ardhmen dhe se bandat bashkëpunojnë edhe me struktura të Policisë së Shtetit.
“Këta të rinjtë që vriten me njëri-tjetrin e kanë hesapet e hapura me njëri tjetrin, brenda dhe jashtë vendit”, përfundoi ai.
LEXONI GJITHASHTU:
- Atentatet ndaj grupit të Ervis Martinajt, Ylli Brahimi rasti i katërt
- I plagosuri në Laç miku i Ervis Martinaj, lidhja me atenatin e Fushë-Krujës
