Veteranët e Ushtrisë Çlirimtare të Kosovës kanë hyrë të në oborrin e Kuvendit të Kosovës gjatë protestës së tyre në Prishtinë.
Policia e Kosovës ka përdorur gazin lotsjellës për të shpërndarë protestuesit, prej ku raportohet se një polic ka mbetur i plagosur.
Kjo protestë u thirr në shenjë pakënaqësie për mospërfshirjen e veteranëve në rritjen e pagës minimale.
Pensioni i veteranëve është i njëjtë me pagën minimale në Kosovë, por në projektligjin e miratuar nga Qeveria e Kosovës për rritje të kësaj page, nuk është përfshirë edhe rritja e pensionit të veteranëve.
Sipas këtij projektligji, paga minimale do të rritet në 264 euro bruto, apo 250 euro neto.
Kjo pagë aktualisht është 130 euro për të punësuarit e moshës nën 35 vjeç dhe 170 euro për të punësuarit mbi 35 vjeç.
LEXONI GJITHASHTU
