Ish-deputeti socialist Alqi Bllako nuk është arrestuar ende, edhe pse Gjykata e Posaçme ka vendosur masën e sigurisë arrest me burg për të.
Policia ende nuk ka dalë me një njoftim zyrtar pse ish-zyrtari nuk është vënë në pranga.
Ndërkohë, në media qarkullojnë informacione të pakonfirmuara se ai mund të jetë arratisur.
- Advertisement -
Një foto e publikuar në rrjetet sociale nga avokati i Bllakos ka nxitur edhe më shumë dyshimet se ish-zyrtari mund të jetë larguar nga vendi.
Euronews Albania ka tentuar të flasë gjatë ditës me avokatin e Bllakos apo drejtues të policisë së shtetit, por deri tani askush nuk jep asnjë informacion.
Bllako akuzohet për shpërdorim detyre dhe korrupsion për çështjen e inceneratorit të Fierit.
LEXONI GJITHASHTU: