Deputetja e PD, Dhurata Çupi e cila ishte pjesë e protestës së sotme të organizuar nga PD, than në një deklaratë për Euronews Albania se çdo protestë e thirrur nga opozita, ka bashkuar dhe sjellë qytetarë të shumtë nga e gjithë Shqipëria.
“Kjo është një protestë më shumë pjesmarrje. Çdo protestë që organizon opozita ka prani të mbështetësve dhe pjesmarrësve që vinë nga e gjithë Shqipëria. Në disa pika të Tiranës ka pasur organizim të protestës nën kryesimin e liderve të PD dhe të opozitës shqiptare.
Ndër të tjera, Çupi theksoi se ajo çfarë u vërejt më së shumti gjatë protestës është sjellja e efektivëve të policisë të cilën ajo e përkufizon si aspak profesionale.
“Ajo që është për tu ardhur keq është sjellja politike e policisë që është aspak profesionale. Një polici e vënë në dispozicion të pushtetit, e padëgjuar të provokohen qytetarët se protestojnë. E drejta e protestës është një e drejtë kushtetuese dhe themeltare në një vend demokratik. Vetëm në diktaturë ndalohet protesta dhe mendimi i lirë apo kritikat ndaj pushtetit. Ne duhet të jemi si gjithë vendet e BE ku ka protestues, denoncime dhe njerëz që ngrenë zërin”, tha deputetja e PD.
“Policia hodhi gaz lotsjellës, sulmoi protestuesit, një zonjë 80-vjeçare humbi ndjenjat, për një orë nuk erdhi ambulanca..”
E pyetur për hapin e rradhës së kësaj proteste, Dhurata Çupi deklaron se do t’i qëndrojnë në mënyrë korrekte njoftimit të bërë ndaj policisë deri në orën 20:00 për mbylljen e protestës.
LEXONI GJITHASHTU
- Me foton e të birit në duar, i ati i Martin Canit merr pjesë në protestë
- Tension në protestën e PD, qytetarja humb ndjenjat
