Një zyrtare e Policisë së Kosovës ka vrarë katër anëtarë të familjes së saj dhe më pas vetën.

Këtë e ka konfirmuar Departamenti për Krime të Rënda në Gjilan. Dyshohet se autorja e kësaj ngjarje të rëndë vuante nga probleme të shëndetit mendor.

Në njoftimin për mediat, Prokuroria thekson se sipas informatave të para, dyshohet se në lagjen ‘’Bujanina’’, në Gjilan, e ndjera me iniciale V.B., zyrtare policore, ka qëlluar me armën e shërbimit dy prindërit dhe dy vëllezërit e saj, ndërsa, pastaj ka kryer vetëvrasje”.

Me urdhër të prokurorit, trupat e pajetë do të dërgohen për ekspertizë në Institutin e Mjekësisë Ligjore.