Ish-drejtuesi i lartë i policisë së shtetit, Shemsi Prençi e cilësoi të vonuar deklaratën e Gledis Nanos për dekonspirim të operacioneve policore.
Në një intervistë për Euronews Albania, Prençi u shpreh se Gledis Nano kishte rastin t’i përjashtonte këta individë duke bërë të mundur pastrimin e policisë së shtetit nga të inkriminuarit, gjë që nuk e bëri.
“Gledis Nano kishte rastin që të pastronte policinë e shtetit nga të inkriminuarit. Nano duhet të kishte goditur, por e kishte të lidhur shkurt litarin për të bërë vetëm rokada në polici. Paraardhësi i Nanos, Ardi Veliu i kishte mbështetur njerëzit me të shkuar kriminale”, tha Prençi.
Në një intervistë për reportazhin “Hetime Ekskluzive” për kanalin francez Metropole, Gledis Nano ka thënë se gjatë kohës që ishte në detyrë, 14 kriminelë janë arratisur për shkak se ishin të informuar për operacionin.
Gledis Nano u shkarkua nga posti i drejtorit të përgjithshëm të policisë së shtetit pas mbledhjes së qeverisë më 31 gusht.
LEXONI GJITHASHTU: