Presidenti i Kosovës, Hashim Thaçi, ka udhëtuar për në Shtetet e Bashkuara të Amerikës, ku do të takojë zyrtarë të lartë të administratës amerikane.

“Shtetet e Bashkuara të Amerikës kanë rikthyer vëmendjen në zhvillimet në Kosovë dhe në rajon, duke u angazhuar për arritjen e marrëveshjes përfundimtare të paqes në mes Kosovës dhe Serbisë, si dhe për t’i hapur rrugë investimeve nga jashtë dhe zhvillimit ekonomik”, thuhet në njoftimin e presidencës.

Thaçi citohet të ketë thënë se është inkurajim për Kosovën, lidershipi i presidentit amerikan Donald Trump, përkrahja e Sekretarit të Shtetit, Mike Pompei dhe angazhimi i drejtpërdrejtë i të Dërguarit Special, ambasadorit Richard Grenell.