Presidentja e Sllovanisë Natasa Pirc Musar ka mbajtur fjalën e saj këtë të enjte në Kuvendin e Shqipërisë.

Ajo theksoi se bota është e mbushur me sfida ndërsa dënoi sulmin me armë zjarri kundër presidentit sllovak Robert Fico.

Gjithashtu Musar foli dhe për luftën e Rusisë në Ukrainë duke thënë se Federata ruse ka shkelur të drejtën ndërkombëtare.

“Nuk mund të mos vërë re se më shumë se 35% e deputeteve të parlamentit tuaj janë gra.  Gratë përfaqësojnë më shumë se 80% në parlamentit slloven.  Unë jam shumë e nderuar që më keni ftuar të flasë  në këtë parlament. Bota në të cilën ne jetojmë është e mbushur me sfida. Dhuna dhe jo paqja po gjen rrugën kradualisht në komunitetin ndërkombëtar.  Në Sllovaki u sulmua demokracia. Këto ngjarje duhet të kuptohen nga një perspektivë e gjerë. Komuniteti ndërkombëtar ndodhet në një kryqëzim mes të mirës dhe të keqes. E keqja duhet të kundërshtohet.

Jetojmë në një kohë  krizash globale të rënda, si krizat klimatike. Marrëdhëniet e paqarta mes superfuqive, rritja e pabarazive në zhvillim. Ka vetëm një mënyrë për të  përballuar këto sfida, është rruga për zgjidhjen e problemeve globale. Vendet  e vogla janë të dobëta para një kundërshtari të fortë por zëri ynë është më i fortë  brenda kuadrit të një korumi shumëpalësh. Nëse dikush e kupton këtë ajo është Shqipëria. Agresioni rus ndaj Ukrainës, është shembulli më i afërt për ne, pozicioni ynë është i qartë, Federata Ruse, ka shkelur të drejtën ndërkombëtare”-tha ajo.

LEXONI GJITHASHTU: 

• Veliaj inspekton punimet në Urën e Babrroit: Bashkon Tiranën dhe Kamzën
• Dyshohet se ngacmoi seksualisht një 13-vjeçare, ndalohet 64-vjeçari në Devoll