Trillim dhe inskenim të opozitës e ka quajtur Olta Xhaçka debatin për çështjen McGongal. Sipas saj opozita kërkon të gjithmonë të krijojë debate të tilla për shkak të shterimit të ideve për të goditur maxhorancën.
Xhaçka tha se çështja e McGonigal, ngjason me atë të Babales, e cila tashmë dihet se ishte e fabrikuar nga opozita.
“Është për të ardhur keq që po humbasim kohë e energji duke u marrë me një çështje që nuk është çështje. Opozita ka çdo të drejtë të kërkojë mocione, interpelanca e shpjegime. Ne kemi detyrime të japim shpjegime për çdo gjë që kërkohet, por kjo që po bën opozita është abuzim me të drejtën që i jep ligji.
Opozita ka ngritur dhe çështje të tjera po si kjo në vend që të merret me çështje që u intereson shqiptarëve. Ka ardhur një pikë që me t’u mbyllur njëra shpikje fillojmë dhe vrasim mendjen se cila do jetë shpikja e radhës, ajo që më bën çudi është se kjo sjellje vazhdon edhe pse në kushedi sa raste që është provuar që bëhet fjalë thjesht për trillime. Është provuar që bëhet fjalë për trillime, apo mashtrime të inskenuara nga opozita.
Rasti McGonigal nuk është rast i izoluar Besoj e mbani mend me sa përkushtim iu dedikua opozita çështjes Babalja që tashmë është provuar që ka qenë tërësisht e fabrikuar. Dje ishte “Babalja”, sot është “Mcgonigal”. E vërteta është se kësaj opozite i kanë shteruar idetë.
Nuk di të sjellë alternativa dhe propozime, por merret vetëm me teori komplotesh të tilla të cilat rastësisht fillon e trumbeton e i kthen në kauza të luftës politike sa herë që troket drejtësia në derë”, tha ministrja Xhaçka duke shtuar se; “Ambasadorët e huaj habiten me zakonin e PD për t’u marrë me teori komploti kaq halucinante”.
LEXONI GJITHASHTU: