Kylian Mbappe është prezantuar si lojtari më i ri i Realit të Madridit në një atmosferë spektakolare, me mbi 75 mijë të pranishëm.
Francezi shkeli për herë të parë barin e një prej impianteve më të mrekullueshme të futbollit nën ngjyrat galaktike, i shoqëruar nga presidenti Fiorentino Perez, si dhe dy ish-futbollistët Zinedine Zidane dhe Jose Martinez Sanchez.
Në fjalët e tij të para si madrilen, Mbappe nuk u kursye në elozhe ndaj atyre që bënë të mundur këtë nënshkrim, duke pohuar më tej se do të jepte jetën për Realin e Madridit.
“ Është e mrekullueshme të jesh këtu, kam fjetur për shumë netë duke menduar që të jem pjesë e Real Madridit. Jam një djalë shumë i lumtur sot, dëshiroj që të falenderoj presidentin Florentino Perez dhe të gjithë njerëzit që kanë punuar që unë të jem këtu. Është një ditë e mrekullueshme për mua, që fëmijë kam pasur vetëm një ëndërr që të isha këtu.” – tha ai.
Mbappe ka firmosur një kontratë 5-vjecare me galaktikët, ndërsa vjen pas një aventure 7-vjechare me PSG-në. Më herët ka fituar disa trofe me parizienët, ndërsa me kombëtaren e gjelave ka triumfuar në botërorin e 2018-ës.
LEXONI GJITHASHTU:
- “Mbappemania” në Madrid: Tifozët në radhë për fanellat dhe biletat e promovimit
- Theu hundën në ndeshjen me Austrinë, Mbappe maskë me flamurin e Francës