Rreth 20 centimetra dëborë ra në disa zona të Gjermanisë, duke shkaktuar kaos në trafikun rrugor, si dhe një seri aksidentesh.
Autostradat e Zarlandit u prekën në veçanti nga moti i keq dhe makina të shumta u përplasën me barrierat rrugore, për shkak të terrenit rrëshqitës.
Kamionët me zor kaluan akset e pjerrëta, duke u bllokuar dhe shkaktuar karvanë të gjatë automjetesh, si dhe ngadalësimin e lëvizjes.
Ndërkohë, në Kroaci ka mbërritur më në fund dimri i madh dhe bashkë me të kaosi në rrugët e vendit.
Për shkak të dëborës dhe erërave të forta disa rrugë u mbyllën, ndërsa linjat e trageteve anuluan udhëtimet.
Vështirësi të shumta janë verifikuar edhe nëpër autostrada, pasi një pjesë e aksit Rijeka-Zagreb është mbyllur.
Dëborë ra edhe në disa pjesë të Dalmacisë. Në zonën e Splitit, trashësia e dëborës arriti në 30 centimetra.
Gjithashtu, stuhitë e fuqishme kanë rrëzuar pemë dhe dëmtuar automjete në qytetin bregdetar Makarska.