Reforma në drejtësi, Spartak Ngjela: Në korrik do të dalin emra që do të habiteni

KOMENTE

SHPERNDAJE
ARTIKULLIN

Text sizeAa Aa

Avokati, Spartak Ngjela thotë se në korrik priten rezultate konkrete nga reforma në drejtësi. Duke folur për Euronews Albania, avokati i njohur tha se do të ketë emra të njohur që do të detyrojë që shumë kandidat për deputetë të mos pranojnë të hyjnë në garë.

“Prisni korrikun dhe do shikoni emra që do të habiteni. Në shtator asnjë nga listat që do ta paraqesin kryetarët e partive për zgjedhjet e reja nuk do të pranojnë të shkojnë në zgjedhjet e reja. Në korrik do të kemi shenjat e para të drejtësisë së re për t’u bindur të gjithë”, tha z. Ngjela.

Ish-ministri i Drejtësisë e cilësoi si ulëritëse faktin se 55% e gjyqtarëve që kanë kaluar në filtrat e vetingut janë shkarkuar nga detyra. Akoma edhe më e rëndë bëhet situata tha z. Ngjela se këtu përfshihen një pjesë e mirë e anëtarëve të Gjykatës Kushtetuese dhe Gjykatës së Lartë që nuk e kanë kaluar vetingun për korrupsion.

“Janë asgjësuar 60% e gjyqtarëve dhe do të vijojë akoma. Ka ikur për korrupsion Gjykata e Lartë dhe Gjykata Kushtetuese. Kanë ikur rreth 55% e gjyqtarëve të vetuar, e kuptoni se në çfarë gjendjeje të rëndë kemi qenë”, tha avokati.

Duke e konsideruar reformën në drejtësi një revolucion pa armë por që do të sjellë përmbysjen e një padrejtësie të madhe, z. Ngjela nënvizoi se, shumë shpejt do të dalin provat për korrupsionin në Shqipëri.

“E pranoni ju që ka korrupsion në Shqipëri? Po! E dini ju që po të ketë pushtet gjyqësor nuk mund të ketë korrupsion. Nuk ka pushtet gjyqësor ndaj ka korrupsion, Vidhni popullin se ne u lëmë, kjo është marrëveshja e tyre. Por këtë reformë po e bëjnë të huajt, nuk po e bëjnë vetë”, tha ai më tej.

Për çështjen “Dvorani” dhe vendimin e KLGJ-së për të kërkuar mendim nga EURALIUS dhe OPDAT, z. Ngjela tha se është vepruar në këtë mënyrë që vendimi të mos cilësohej si goditje ndaj Presidentit.

“KLGJ e ka detyrën e vet për zgjidhjen e një çështje që të pyesin dy institucione të huaja. Mirë ka bërë dhe cila është arsyeja? Që të mos bien ndesh se po godasin Presidentin shqiptar, që fluturon si sorrat e mesjetës. Ata do thonë që nuk ka shkelje, ja mbaje mend nga unë”, u shpreh ish-ministri i Drejtësisë.

“Për mua është ligjore brenda nocionit të strukturës së re të drejtësisë. Ato dy institucione kanë bërë të gjitha ligjet në Shqipëri. Presidenti ka dalë me shpatën e Gjergj Elez Alisë. Pse Gjergj Elez Alia është ky? Mirë që Presidenti ka halle, se është nën akuzë. Po ju çfarë keni? Ai është nën akuzë, ka një hetim parlamentar që do ta çojë në Gjykatë Kushtetuese dhe për këtë arsye kërkon që të çojë njerëz të tij në këtë gjykatë. E kuptoni në çfarë niveli mediokër është niveli shtetëror sot”, shtoi z. Ngjela.


Etiketimet

Berisha akuzon ambasadoren Kim se po mbështet ‘prokurime direkte’

Berisha mesazh për Kim: As për 100 vjet s’do gjejnë prova ndaj meje Ish-kryeministri Sali Berisha është takuar me demokratët e Patosit në 31-vjetorin e themelit të degës së Partisë Demokratike....

Në Shqipëri rregullimi i dhëmbëve është itinerar i një pakete turistike

Turizmi dentar po zhvillohet gjithnjë e më shumë në Shqipëri. Përveç shërbimeve dentare, pacientëve u ofrohen paketa të mirëfillta turistike nga klinikat dhe agjencitë...

Banorët e Kievit nuk i tremben luftës

Pronarët e bizneseve, shkrimtarët, por edhe qytetarët e thjeshtë në Kiev vijojnë të ndjekin rutinën e përditshme, pavarësisht kërcënimit për një pushtim rus. Për poetin...

Regjistrohu për të marrë NEWSLETTER