Ditët e fundit, kryeqyteti i Maqedonisë së Veriut, Shkupi është përfshirë nga protestat pas marrjes në konsideratë nga qeveria të propozimit francez për zgjidhjen e konfliktit me Bullgarinë.

Në një inervistë për emisionin e Këshillit të Atlantikut, BalkansDebrief nga gazetarja Ilva Tare, profesori i Oxfordit te Shkollës Globale dhe Fushave të Studimit, Dimitar Bechev u shpreh optimist se mund të sigurohen votat për të miratuar propozimin francez, por se do të jetë i vështirë për t’u zbatuar.

“Mendoj se do të arrihen votat për të miratuar propozimin francez, pavarësisht protestave të opozitës dhe të qytetarëve. Por, zbatimi i planit francez do të jetë i vështirë sepse Maqedonia e Veriut dhe Shqipëria do t’i fillojnë negociatat pasi të miratohet propozimi.

Por në të vërtetë negociatat e vërteta nuk do të fillojnë deri sat ë ndryshohet Kushtetua që të përfshijë Bullgarët si një ndër komunitetet. Po te jesh një nacionalist maqedonas ndoshta do të të pëlqente ideja që Bullgarët janë në Kushtetutë, sepse do të thotë që janë të ndryshëm nga shumica maqedonase, edhe pse aktualisht cështja nuk është duke u diskutuar në këto terma në Shkup”, u shpreh ai.

Dimitar Bechev nuk përjashton edhe mundësinë e një qëverie teknike nisur nga një traditë e heshtur Kushtetuese në Maqedoninë e Veriut.

LEXONI GJITHASHTU

• Protestat kundër propozimit francez, sot bllokadë në gjithë RMV
• Macron thirrje RMV-së: Keni fuqinë për të ndryshuar rrjedhën e historisë
• Eurodeputetja ngre alarmin: Protestat në RMV mund të përdoren nga Rusia