Klubi i futbollit Paris St Germain ka konfirmuar largimin e trajnerit Mauricio Pochettino pas 18 muaj në krye të pankinës.
Largimi i 50-vjeçarit pritej të ndodhte prej thuajse një muaji, por vetëm tani u konfirmua nga drejtuesit e ekipit. Ish-menaxheri i Nisës, Christophe Galtier pritet të zëvendësojë argjentinasin.
Pochettino po e lë PSG-në pasi e udhëhoqi atë drejt titullit të dhjetë në kampionatin francez, që ishte dhe suksesi i tij i parë si trajner.
Ai e mbajti skuadrën të pamposhtur në shtëpi gjatë këtij sezoni, duke e mbyllur atë me 16 fitore në 19 ndeshje.
Por performanca e dobët në Champions League, me Lionel Messin në ekip, u konsiderua një dështim i madh.
Në një komunikatë për shtyp, ku konfirmon largimin, klubi parizien e falënderon Pochettinon dhe stafin e tij për punën e bërë dhe i uron më të mirat për të ardhmen.
LEXONI GJITHASHTU