Përditësime LIVE 10 mars: Kryqi i Kuq paralajmëron krizë humanitare në Mariupol

KOMENTE

SHPERNDAJE
ARTIKULLIN

Text sizeAa Aa

Sot është dita e pesëmbëdhjetë e luftimeve në Ukrainë që nga mëngjesi i 24 shkurtit, kur presidenti rus Vladimir Putin urdhëroi një “operacion ushtarak” dhe nisi sulmet në të gjithë territorin e Ukrainës.

Përmbledhje e ngjarjeve kryesore:

  • Nis Samiti Versajës, ku pritet të mbizotërojnë diskutimet mbi luftën në Ukrainë, anëtarësimin në BE si dhe shkëputjen nga burimet natyrore të Rusisë.
  • Kryqi Kuq paralajmëron krizë humanitare në Mariupol prej mungesës së ujit dhe ushqimeve.
  • Qeveria ukrainase raporton mbi 1 mijë civilë të vrarë në Mariupol
  • Nuk u arrit armëpushim në takimi mes krerëve të diplomacisë ruse dhe ukrainase
  • Kryeministri britanik i shqetësuar se Rusia mund të përdorë armë kimike.
  • 3 persona humbën jetën nga bombardimi i maternitetit, përfshi dhe një fëmijë.
  • Klikoni këtu për të lexuar përmbledhjen e ngjarjeve kryesore të ditës së mërkurë.

 

23:45 – Trupat ruse përparojnë 5km më pranë Kievit, sipas zyrtarëve amerikanë

Trupat ruse janë afruar 5km më pranë Kievit në 24 orët e fundit, deklaroi një zyrtar i lartë i departamentit të mbrojtjes.

Kjo do të thotë se trupat që po përparojnë nga zona veri-perëndimore e kryeqytetit janë vetëm 15km larg qendrës.

23:22 – Mbërrijnë në Luben autobusët me të evakuuarit nga rajoni Sumy

Rreth 20,000 persona janë evakuuar nga rajoni Sumy të enjten, 10 mars.

Autobusët kanë mbërritur në Luben, nga ku më pas të evakuarit do të udhëtojnë me tren në perëndim të vendit.

Kortezi: Dmytro Lunin / Administrata Rajonale Shtetërore Poltava

Design by Euronews Balkans

21:05 – Sulmet kundër punonjësve tanë janë krime lufte, thotë Kryqi i Kuq i Ukrainës

Organizata joqeveritare njoftoi se godinat e tyre në Mariupol dhe Kharkiv janë dëmtuar nga sulmet ajrore.

Gjithashtu ata thanë se është hapur zjarr ndaj një grupi vullnetarësh të organizatës në një zonë pranë Kievit, por se fatmirësisht nuk ka pasur të lënduar.

21:00 – Dërgesat me ushqime po vijnë duke u rralluar, thotë këshilli bashkisë Mariupol

Furnizimet me ushqime në qytetin e Mariupol po rrallohen nga dita në ditë, sipas një deklarate të këshillit bashkiak të qytetit.

Sipas tyre, situata është në nivele kritike pasi janë bllokuar të gjitha hyrjet e qytetit duke e bërë të pamundur furnizimin me ushqime dhe ujë të pijshëm.

20:26 – Moska le hapur korridoret e gjelbra që të çojnë drejt Rusisë

Rusia ka konfirmuar korridoret e gjelbra që të çojnë në territorin rus do të jenë të hapura çdo ditë, ndërsa Kievi ka bërë thirrje që të hapen rrugë të sigurta për evakuimin e civilëve brenda Ukrainës.

Korridoret që shkojnë në drejtime të tjera do të negociohen me palën ukrainase, thuhej në njoftimin e ministrisë së mbrojtjes ruse.

20:06 – Greqia do të nisë mjete transporti drejt Polonisë për të ndihmuar refugjatët

Greqia ka deklaruar se do të dërgojë avionë dhe autobusë në Poloni për të përshpejtuar transportimin e refugjatëve drejt vendit.

“Polonia na kërkoi dje ndihmë. Do të dërgojmë avionë dhe autobusë për të transportuar refugjatët nga Polonia në Greqi sepse sot Polonia po strehon më shumë se 1.3 milionë njerëz. 7 mijë ukrainas kanë mbërritur në vendin tonë dhe thuajse menjëherë kanë marrë leje qëndrimi një vjeçare”, tha ministri emigracionit, Notis Mitaraki.

19:47 – Rusia për bombardimin e spitalit: Inskenim i Ukrainës 

Zëdhënësi i Ministrisë së Mbrojtjes së Rusisë ka pretenduar gjatë një interviste se sulmi ajror ishte “një provokim i orkestruar për të mbajtur lart ngazëllimin anti-rus në mesin e audiencës Perëndimore”.

Sipas Igor Konashenkov, Rusia nuk ka kryer “asnjë mision për të goditur objektivat në terren në zonën e Mariupolit”.

19:00 – 549 civilë të vrarë në Ukrainë që nga dita e parë e pushtimit rus, sipas OKB

Të paktën 549 civilë janë vrarë në Ukrainë që nga data 24 shkurt, sipas shifrave të fundit nga Agjencia e OKB për të Drejtat e Njeriut.

957 persona raportohet të jenë plagosur, megjithatë OKB pretendon se shifrat reale janë “shumë më të larta”, veçanërisht në zonat e kontrolluara nga qeveria.

17:59 – Krerët e BE në Versajë për luftën në Ukrainë, pavarësinë nga energjia ruse

Liderët e Bashkimit Europian janë mbledhur të enjten në Versajë për të diskutuar mbi mënyrat se si mund të ulin varësinë e vendeve të unionit ndaj burimeve të energjisë që vijnë nga Rusia.

Për sa i përket Ukrainës, ata pritet të ritheksojnë mbështetjen e tyre morale dhe politike, por nga ana tjetër ka të ngjarë të refuzojnë kërkesën e Kievit për të përshpejtuar procesin e anëtarësimit.

17:00 – Kryqi i Kuq: Nuk ka ushqim për fëmijët në Mariupol

Shumë njerëz në Mariupol, qytetin e rrethuar nga rusët, nuk kanë më ushqim për fëmijët e tyre, sipas Kryqit të Kuq.

Ata raportojnë se qyteti është pa ujë dhe drita.

14:41 – Nuk do të mbetet asnjë gjurmë nga pushtimi rus, thotë Zelensky

Presidenti i Ukrainës Volodymyr Zelensky tha Ukraina do të rindërtohet me standardet më të larta dhe “nuk do të mbetet asnjë gjurmë nga pushtimi rus”.

11:11 – Nuk arrihet armëpushim në takimin e ministrave rus dhe ukrainas

Ministrat e jashtëm rus dhe ukrainas u takuan për herë të parë që nga fillimi i pushtimit rus në Ukrainë, por gjatë takimit nuk u arrit ajo që Ukraina synonte, armëpushimi.

10:09 – Takohen ministrat e jashtëm rus dhe ukrainas

Ministrat e jashtëm rus dhe ukrainas po takohen për herë të parë që nga fillimi i pushtimit rus në Ukrainë, shkruan BBC.

10:05 – Të paktën 3 të vdekur nga sulmi rus në një spital në Ukrainë

Të paktën 3 persona humben jetën gjatë sulmit ajror rus mbi një spital fëmijësh në Maripol. Mes viktimave ishte dhe një vajzë e vogël.

09:23 – Përparimi i Rusisë është ngadalësuar, sipas Ministrisë Mbrojtëse në Ukrainë

Ritmi i përparimit të ushtrisë ruse në Ukrainë është ngadalësuar, sipas përditësimit të situatës së luftës mëngjesin e 10 marsit, publikuar nga Shtabi i Përgjithshëm i Forcave të Armatosura të Ukrainës.

00:14 – Zelensky: Sulmi i maternitetit është dëshmi e gjenocidit ndaj ukrainasve

Presidenti i Ukrainës tha se bombardimi i maternitetit dhe spitalit të fëmijëve në Mariupol është “prova e gjenocidit ndaj ukrainasve”.

“Ndërtesat, njerëzit, fëmijët e vdekur, si dhe sulmi i një materniteti janë provat përfundimtare të gjenocidit që po ndodh këtu”.

Ai i ka bërë thirrje europianëve të dënojnë krimet e luftës që po kryen nga Rusia.

“Europianë, nuk do të thoni dot se nuk e keni parë se çfarë po iu bëhej ukrainasve, dhe se çfarë po ndodhte në Mariupol. Ju e keni parë, dhe e dini çfarë po ndodh, ndaj ashpërsoni masat kundër Rusisë në mënyrë që mos ketë më mundësi ta vazhdoj këtë gjenocid”.

22:48 ‘Miliona njerëz mund të vdesin’, Zelensky i kërkon Perëndimit  të veprojë

Presidenti ukrainas Volodymyr Zelensky ka thënë se “miliona njerëz” mund të vdesin nëse bota nuk e ndihmon Ukrainën para se të jetë “shumë vonë”.

Duke apeluar që liderët botërorë të veprojnë më shpejt, ai tha: “Mos prisni që unë t’ju pyes disa herë, një milion herë. Mbyllni qiellin”.

21:49 – Ministri i Jashtëm ukrainas mbërrin në Turqi për takimin me homologun rus

Ministri i Jashtëm i Ukrainës Dmytro Kuleba ka mbërritur në Turqi, ku pritet të takohet të enjten me homologun e tij rus Sergei Lavrov.

Me ftesë të presidentit turk Erdogan, ata do të takohen në Antalia në një përpjekje për t’i dhënë fund luftës në Ukrainë.

21:45 – Evakuohen mbi 3 mijë civilë nga Kievi 

Ministria e Brendshme raporton se më shumë se 3 mijë persona kanë arritur të largohen nga zonat e pushtuara të Irpinit dhe Vorzelit.

Rreth 100 autobusë transportuan disa qindra fëmijë dhe të moshuar drejt zonave të sigurta.

Ministria e Brendshme pretendon se Rusia ka shkelur sërish armëpushimin duke mos lejuar evakuimin e dhjetëra civilëve të tjerë.

21:35 – Mbi 1 mijë civilë të vrarë në Mariupol, sipas autoriteteve

Qeveria ukrainase njoftoi të mërkurën se “mbi 1 mijë civilë janë vrarë nga bombadimet e rusëve në zonat rezidenciale”.

Ata thanë se autoritetet lokale kanë nisur varrimin e viktimave në varre masive për shkak të mbipopullimit në morgun e qytetit.

LINI NJE KOMENT

Please enter your comment!
Please enter your name here


 

Etiketimet

Vajza e ish-presidentit iranian arrestohet për ‘nxitje të rebelëve’

Vetëm disa ditë pasi shprehu mbështetje për protestat në Iran, Faezeh Hashemi, vajza e ish-presidentit, Akbar Hashemi Rafsanjani, u arrestua në kryeqytetin iranian nën...

Jennifer Lopez, vrasëse me pagesë në filmin e ri të Netflix

Këngëtarja dhe aktorja e njohur Jennifer Lopez do të shfaqet në një formë krejt ndryshe nga çfarë e kemi parë më herët në aktrim. Këtë...

Vuçiç: Presion ndaj Serbisë, ndërkombëtarët duan të zgjidhin çështjen e Kosovës

Presidenti i Serbisë, Aleksandër Vuçiç deklaroi të mërkurën se presioni dhe nervozizmi i ndërkombëtarëve për të zgjidhur çështjen e Kosovës është duke u rritur. Ai...

TË FUNDIT

Vajza e ish-presidentit iranian arrestohet për ‘nxitje të rebelëve’

Vetëm disa ditë pasi shprehu mbështetje për protestat në Iran, Faezeh Hashemi, vajza e ish-presidentit, Akbar Hashemi Rafsanjani, u arrestua në kryeqytetin iranian nën...

Jennifer Lopez, vrasëse me pagesë në filmin e ri të Netflix

Këngëtarja dhe aktorja e njohur Jennifer Lopez do të shfaqet në një formë krejt ndryshe nga çfarë e kemi parë më herët në aktrim. Këtë...

Vuçiç: Presion ndaj Serbisë, ndërkombëtarët duan të zgjidhin çështjen e Kosovës

Presidenti i Serbisë, Aleksandër Vuçiç deklaroi të mërkurën se presioni dhe nervozizmi i ndërkombëtarëve për të zgjidhur çështjen e Kosovës është duke u rritur. Ai...

Pse shqiptarët zgjedhin Anglinë? Flet përfaqësuesi i diasporës në Now

Daniel Nikolla, përfaqësuesi i diasporës thotë se qeveria shqiptare nuk ka ndërmarrë asnjë fushatë ndërgjegjësuese për të ndalur largimin e të rinjve, të cilët...

Kreshnik Spahiu: Tre ligjet gjermane që do ndihmojnë shqiptarët për t’u punësuar

Juristi Kreshnik Spahiu tregoi në “Now” me Erla Mëhillin tre projektligje që pritet të kalojnë në Bundestag dhe do ndihmojnë shqiptarët për t'u punësuar. Ata...


Sondazh

A mendoni se duhet të hapen dosjet e ish-Sigurimit të Shtetit?