Presidenti i Rusisë, Vladimir Putin ka përzgjedhur si Kryeministër të ri të vendit një “teknokrat”. Sa i takon ministrave, përbërja nuk ka ndryshuar shumë, pasi shumë prej tyre do të vijojnë të mbeten në detyrë.
Mihail Mishustin, 53 vjeç, pa pothuajse asnjë profil politik do të jetë Kryeministri i ri i Rusisë. Nga ana tjetër, shefi i Kremlinit ka emëruar Andrei Belousov, këshilltarin e tij të ekonomisë që nga viti 2013, si zv.kryeministrin e parë të Rusisë, duke zëvendësuar Anton Siluanov, i cili ka mbajtur këtë detyrë që nga maji 2018.
Putin gjithashtu aprovoi Maxim Reshetnikov, një ish-guvernator rajonal, si ministrin e ri të Ekonomisë së vendit, duke zëvendësuar Maxim Oreshkin.
Kremlini bëri me dije se ministri i Financave, Anton Siluanov, ministri i Energjisë, Aleksandër Novak, ministri i Bujqësisë, Dmitri Patrushev, ministri i Mbrojtjes, Sergei Shoigu dhe ministri i Jashtëm, Sergei Lavrov do të vijojnë të mbajnë detyrën.
Qeveria e re ruse u formua më pak se një javë pasi Putin propozoi disa ndryshime kushtetuese ç’ka shkaktuan një lëkundje në sistemin politik të vendit , duke çuar në dorëheqjen e kryeministrit Dimitri Medvedev së bashku me tërë qeverinë e tij.
