Presidenti rus, Vladimir Putin zhvilloi biseda telefonike të dielën me presidentët e Kirgistanit dhe Taxhikistanit, Sadyr Japarov dhe Emomali Rahmon, duke u bërë thirrje palëve të parandalojnë përshkallëzimin e mëtejshëm në kufi.
Sipas shërbimit të shtypit të Kremlinit, presidentët “diskutuan situatën në kufirin Kirgistan-Taxhik, shkruan agjencia ruse e lajmeve, Tass.
“Putini u bëri thirrje palëve të parandalojnë përshkallëzimin e mëtejshëm dhe të marrin masa për të zgjidhur situatën vetëm me mjete paqësore, politike dhe diplomatike sa më shpejt të jetë e mundur,” thuhej në njoftim.
Putin konfirmoi gatishmërinë e Rusisë për të ofruar ndihmën e nevojshme me qëllim të sigurimit të stabilitetit në kufirin mes dy vendeve.
Disa ditë më parë, Putin deklaroi se ai dëshiron që lufta të përfundojë sa më shpejt të jetë e mundur.
Sipas tij, Kievi kishte refuzuar negociatat dhe ishte i vendosur në arritjen e objektivave të tij në fushën e betejës.
LEXONI GJITHASHTU