Qëllimi i Partisë së Lirisë nuk është pushteti, por referendumi. Kështu u shpreh kryetari i kësaj force politike, Ilir Meta këtë të enjte në një bashkëbisedim me të rinjtë.

Gjatë fjalës së tij, Meta u shpreh se referendumi është mjeti kryesor që sovrani dhe sidomos të rinjtë të kenë nën kontroll klasën politike.

“Qëllimi i Partisë së Lirisë nuk është pushteti dhe thjesht pushteti. Qëllimi është referendumi, referendumi, referendumi. Unë kam dëshmuar se ju ka dhënë hapësira të rinjëve si askush tjetër.

Referendumi është jo thjesht një mjet që popullit të votojë për diçka, është mjeti kryesor që sovrani, do të theksoja të rinjtë e të rejat të kenë në kontroll në çdo rast klasën politike”, theksoi Meta.

Sipas tij, Shqipëria po shkon në drejtim të gabuar dhe vendi po shpopullohet, duke e cilësuar një dramë dhe armik për të ardhmen.

LEXONI GJITHASHTU

• Autoriteti i Dosjeve të sqarojë kush është shtetasi I.M, thotë Partia e Lirisë
• Partia e Lirisë zgjedh drejtuesit e rinj të strukturave (EMRAT)