Qeveria do të shpërndajë për financimin e rrugëve këtë vit edhe 52 mln euro të tjera.
Me këtë shtesë, synohet që të përshpejtohet ndërtimi në kantierët e hapur dhe të paguhen borxhet e krijuara rishtaz.
Me rishikimin e buxhetit, 52 milonë euro do të shkojnë për financimin e rrugëve deri në fund të vitit 2024.
Kjo shtesë do ta çojë fondin vjetor në 292 mln euro dhe do të synojë përshpejtimin e punës në kanteriet e hapur në disa prej akseve kombëtare.
Shtesa për buxhetin e infrastrukturës, diktohet edhe nga kërkesat e Ministrisë së Infrastrukturës, të bëra në pjesën e për të paktën 23 mln euro shtesë për shlyerjen e pagesave të prapambetura.
Por cilat kantiere kanë nevojë për ndërhyrje shtesë sot për sot?
Projekti i parë është rruga Korçë-Ersekë në pjesën e 3-të dhe fundit të saj, për të cilin do të hapet tender, ndërsa projekti i dytë është Unaza e Madhe e Tiranës.
Ndërkaq, ndër projektet e mëdha buxhetuar për sivjet janë tuneli i Llogarasë, rruga Elbasan – Qafë Thanë, pjesë e korridorit 8, si dhe 3 kontratat e partneriteti publik privat për rrugën e Arbrit, rrugën e Kombit dhe aksin Orikum – Dukat.
Ndërkohë, prioritet i qeverisë, përtej mundësive që ofron buxheti i këtij viti, mbetet duke filluar nga viti 2025, rruga Tiranë-Ndroq-Plepa, zgjerimi i superstradës Tiranë-Durrës, rehabilitimi i aksit Fier-Kthesa e Patosit-Fratar dhe zgjerimi i segmentit “Milot-Rrëshen në Rrugën e Kombit”.
LEXONI GJITHASHTU:
- Kryeministri Rama takim me Vangjel Tavon: Folëm për projektet e reja për Himarën
- Diskutohen projektet për rijetëzimin e objekteve me vlerë në kryeqytet
