Bilanci javor i COVID-19 në rajon, vala e re shkakton 67 viktima e mbi 2700 të infektuar

KOMENTE

SHPERNDAJE
ARTIKULLIN

Text sizeAa Aa

Përfundimisht një valë e re infektimi me COVID-19 ka përfshirë Maqedoninë e Veriut, Shqipërinë, Bosnje e Hercegovinën dhe Kosovën. Të dhënat e javës së fundit janë shqetësuese me rekorde viktimash dhe infektimesh ditore.

Rreth 60 viktima dhe mbi 2,000 raste të reja u regjistruan javën që lamë pas në këto 4 shtete të Ballkanit Perëndimor.

Nga ky bilanc, situata më e rëndë po paraqitet në Maqedoninë e Veriut. Atje pati 45 viktima dhe 1,137 raste të reja me COVID-19 – 17 viktima u regjistruan vetëm në fundjavë, rekord për vdekjet ditore të shtunën me 9 të vdekur ndër pacientët e infektuar.

Në 5 nga 7 ditët e fundit, në Shqipëri pati rekord rastesh të reja duke nisur nga 9 qershori me 36 raste e duke përfunduar të martën me 82.

Për Maqedoninë e Veriut rekordi i ri u vendos të shtunën me 194 raste ditore, për Bosnje e Hercegovinën të hënën me 147 dhe gjithashtu për Kosovën të hënën me 129.

Situata po bëhet shqetësuese, aq sa autoritetet po rimendojnë planet e masave duke apeluar përdorimin e maskave në përditshmëri dhe kujdes të shtuar të qytetarëve.

Në vendet e tjera të rajonit, Mali i Zi vazhdon të shijojë situatën post-pandemike me asnjë rast të ri. Kroacia po i afrohet kësaj gjendjeje me një tjetër javë që pa shifrat e infeksionit të ishin nën kontroll.

Ndërkohë Serbia shënoi tjetër javë me një bilanc me prirje në ulje të shpërhapjes së COVID-19.

Të infektuarit

Bilancit rajonal të pandemisë iu shtuan javën që lamë pas (8 qershor – 15 qershor) 2,758 të infektuar të tjerë – një prirje në rritje me 1 mijë më shumë se prirja e një jave më parë (1-8 qershor) dhe pothuajse trefish se dy javë më parë (25 maj – 1 qershor).

Tashmë totali rajonal në gjithë Ballkanin Perëndimor bën fjalë për 25,607 të infektuar.

Gjatë kësaj jave shumica e rasteve të reja ishin në Maqedoninë e Veriut (1,137 raste) dhe Serbi (471 raste), por vlen të theksohet se Shqipëria, Bosnje e Hercegovina dhe Kosova patën prirje në rritje me rreth trefishin e të infektuarve krahasuar me një javë më parë: 409 në Shqipëri, 381 në Bosnje e Hercegovinë, 352 në Kosovë.

Kroacia është pranë daljes zyrtare nga pandemia, pasi këtë javë regjistroi vetëm 8 raste të reja çka u ka shtuar optimizmin autoriteteve optimiste se situata mund të lehtësohet edhe më tej.

Mali i Zi ka dalë zyrtarisht nga pandemia prej 25 majit dhe po menaxhon hapjen e kufijve dhe sezonit turistik.

Viktimat

Për të tretën javë radhazi Maqedonia e Veriut ishte vendi me më shumë viktima në rajon, kësaj here me shifrat rekord të 45 të vdekurve mes pacientëve me COVID-19.

Viktima pati në të gjitha vendet e tjera: 8 në Bosnje e Hercegovinë, 4 në Serbi, 3 në Shqipëri, 3 në Kosovë dhe 3 në Kroaci.

Në total në gjithë rajonin pati 67 vdekje, më shumë se dyfishi i prirjes së një jave më parë (1-8 qershor).

Në raport me popullsinë bilanci vazhdon të rëndohet në Maqedoninë e Veriut, e cila ka mesataren më të lartë në rajon me 97 vdekje për çdo 1 milion banorë.

Në këtë statistikë Shqipëria është ajo që ka të dhënat më të lehta – 13 vdekje për çdo 1 milion banorë.

Nga statistikat e përgjithshme vlen të thuhet se Shqipëria e Kosova kanë pothuajse të njëjtin raport të testeve, të infektuarve, shërueshmërisë por dhe vdekshmërisë.

Megjithatë duhet theksuar se Shqipëria e Kosova mbeten shumë prapa për sa i përket numrit të testimeve – Maqedonia e Veriut ka testuar sa dyfishi, ndërsa Serbia 15 herë më shumë.

 

Lexoni gjithashtu:

Bilanci javor i COVID-19 në rajon, Serbia nxit debat pas deklarimit të mbi 4000 të shëruarve në dy ditë

Bilanci javor i COVID-19 në rajon, valë e re infektimesh në RMV, Bosnje e Hercegovinë, Shqipëri e Kosovë


 

Etiketimet

Kanabis me postë nga Britania e Madhe, arrestohen dy të rinjtë

Dy persona janë arrestuar nga policia në kuadër të operacionit të koduar “Green mail 2”. David Shehu dhe Mariglen Vata, të dy 18 vjeç, u...

E quajtën terrorist, shkrimtari tregon si nisi incidenti me muxhahedinët

Shkrimtari, Gjergji Thanasi ishte pjesë e incidentit të ndodhur në Panairin Veror të Librit në Durrës pasditen e së mërkurës, ku një grup muxhahedinësh...

Burg për 29-vjeçaren që aksidentoi për vdekje një këmbësor dhe plagosi tre të tjerë

Gjykata e Tiranës caktoi masën e sigurisë "Arrest me burg" per 29-vjeçaren, Elinta Garo. Ajo do të qëndrojë në burg për 30 ditë, deri në...

TË FUNDIT

Kanabis me postë nga Britania e Madhe, arrestohen dy të rinjtë

Dy persona janë arrestuar nga policia në kuadër të operacionit të koduar “Green mail 2”. David Shehu dhe Mariglen Vata, të dy 18 vjeç, u...

E quajtën terrorist, shkrimtari tregon si nisi incidenti me muxhahedinët

Shkrimtari, Gjergji Thanasi ishte pjesë e incidentit të ndodhur në Panairin Veror të Librit në Durrës pasditen e së mërkurës, ku një grup muxhahedinësh...

Burg për 29-vjeçaren që aksidentoi për vdekje një këmbësor dhe plagosi tre të tjerë

Gjykata e Tiranës caktoi masën e sigurisë "Arrest me burg" per 29-vjeçaren, Elinta Garo. Ajo do të qëndrojë në burg për 30 ditë, deri në...

Tensionet Kinë-Tajvan, ishulli reagon me stërvitje ushtarake

Tajvani mbajti një stërvitje ushtarake ditën e enjte, me raketa dhe topa që simuluan një përgjigje ndaj një sulmi eventual kinez. Gjithashtu, autoritetet e ishullit...

Atentati në Vlorë, policia dyshon për vrasës me pagesë

"Nisur nga dinamika e ngjarjes, sesi autorët janë vënë në ndjekje të viktimave, armët që kanë përdorur, mekanizmi, kanë ngritur dyshime të arsyeshme për...


Sondazh

A duhet të ndalohen skafet dhe motorët e ujit pas tragjedisë së Himarës?