Hetime për UÇK edhe në Shqipëri, ligji që i hapi rrugë EULEX-it të hetonte ish-udhëheqësit e luftës

KOMENTE

SHPERNDAJE
ARTIKULLIN

Text sizeAa Aa

Saga e ish-udhëheqësve të Ushtrisë Çlirimtare të Kosovës për të provuar pafajësinë duket se do të vijojë edhe për disa kohë nëpër dyert e gjykatave ndërkombëtare.

Akuzat për krime kundër njerëzimit nuk janë të reja ndaj ish-udhëheqësve. Në vitin 2011 Raporteri i Këshillit të Europës, Dick Marty nxori raportin e shumëdebatuar për shtëpinë e verdhë në zonën e Burrelit, në Shqipëri, nën akuzën se UÇK kishte bërë trafik të organeve njerëzore.

Akuzat që më shumë i ngjasonin skenarëve të filmave amerikane miliona dollarësh nuk u provuan asnjëherë në shumë misione hetimi në territorin shqiptar.

Euronews Albania rikthen në memorie një ligj të miratuar nga Kuvendi i Shqipërisë në 10 maj të vitit 2012. Ish-kryeministri Berisha në atë kohë me procedurë të përshpejtuar kërkoi miratimin e ligjit i cili autorizonte EULEX-in të kryente veprime hetimore në territorin shqiptar.

Euronews Albania ka mësuar gjithashtu se që nga maji i vitit 2012 janë kryer disa misione hetimore nga prokurorët e huaj në territorin e Shqipërisë dhe të asistuar nga prokurorët shqiptare dhe në fund dolën në konkluzionin se ‘shtëpia e verdhë’ nuk kishte ekzistuar asnjëherë.

Kjo vërtetohet edhe nga një raport i miratuar në vitin 2015 i qeverisë shqiptare mbi zbatimin e konventës ndërkombëtare të OKB-së, “Për mbrojtjen e të gjithë personave nga zhdukjet me forcë” ku shprehet qartësisht se “Prokurorët e EULEX-it lejohen të hetojnë në territorin shqiptar, akuzat për trafikimin e organeve në territorin shqiptar, duke pasur edhe mbështetjen e autoriteteve kompetente. Sipas edhe hetimeve të kryera nga autoritetet shqiptare akuzat e ngritura në raportin e Dick Marty-t, nuk janë të bazuara dhe nuk janë konfirmuar”.

Pavarësisht rezultatit të hetimeve mbi raportin e Martit të cilat ranë poshtë, aktakuza e publikuar një ditë më parë hedh dyshime se UÇK ka kryer krime kundër njerëzimit edhe në qytetet veriore të Shqipërisë, ku të dhënat i kanë marrë pas autorizimit që i dha parlamenti me ligj të veçantë në vitin 2012, ligj i cili nuk është shfuqizuar asnjëherë.


Etiketimet

Në Shqipëri rregullimi i dhëmbëve është itinerar i një pakete turistike

Turizmi dentar po zhvillohet gjithnjë e më shumë në Shqipëri. Përveç shërbimeve dentare, pacientëve u ofrohen paketa të mirëfillta turistike nga klinikat dhe agjencitë...

Banorët e Kievit nuk i tremben luftës

Pronarët e bizneseve, shkrimtarët, por edhe qytetarët e thjeshtë në Kiev vijojnë të ndjekin rutinën e përditshme, pavarësisht kërcënimit për një pushtim rus. Për poetin...

Kremlini i cilëson sanksionet ndaj Putin politikisht shkatërruese

Rusia paralajmëroi të mërkurën se vendosja e sanksioneve direkte ndaj presidentit Vladimir Putin, të paralajmëruara nga presidenti amerikan Joe Biden, do të jenë “politikisht...

Regjistrohu për të marrë NEWSLETTER