Mijëra qytetarë nderojnë 3 viktimat e sulmit me armë në Deçan

KOMENTE

SHPERNDAJE
ARTIKULLIN

Text sizeAa Aa

Mijëra qytetarë në Deçan kanë ndezur qirinj për tre personat që u vranë mbrëmjen e së premtes pas një sulmi me armë ndaj një autobusi me nxënës.

Në nderim të tri viktimave, qirinj po ndezin shumë qytetarë, nxënës, kryetari Bashkim Ramosaj, ministri i Brendshëm, Xhelal Sveçla dhe disa deputetë.

Të vdekur në Gllogjan të Deçanit mbetën shoferi i autobusit dhe dy nxënës. Një nxënës tjetër, 17 vjeçar është plagosur dhe po trajtohet në Spitalin e Pejës.

Ende nuk dihen motivet e një sulmi të tillë, ndërkaq personi për të cilin dyshohet se ka kryer këtë krim është në arrati.

Ministri i Punëve të Brendshme, Xhelal Sveçla, në një konferencë për media, deklaroi se kanë marrë informacione të ndryshme për rastin dhe se të njëjtat janë duke u trajtuar me kujdes nga ana e Policisë së Kosovës.

Ai u ka bërë thirrje qytetarëve të Kosovës që nëse kanë çfarëdo informacioni t’i drejtohen Policisë së Kosovës në mënyrë që ky rast të zbardhet sa më shpejtë.

“Kushdo që ndihmon vrasësin implikohet në vepër të rëndë penale, nuk bëhet më fjalë për çfarëdo lloj solidariteti me vrasësin e dy nxënësve dhe shoferit të autobusit. Prandaj, sa më parë që dorëzohet aq më mirë edhe për rrethin e tij, por aq më mirë edhe për qytetarët e gjithë Kosovës”, tha ai.

Ndërkaq, drejtori i përgjithshëm i Policisë së Kosovës, Samedin Mehmeti, tha se aktualisht janë duke bërë ekzaminimet, pastrimi i terrenit dhe shikimi i detajuar i rrethinës së ngjarjes. Ai tha se sipas dyshimeve fillestare vepra është kryer nga një person, por që u shpreh se mund të ketë ndërlidhje me më shumë persona.

Mehmeti tha se aktualisht po flasin për një person që mund të ketë kryer vrasjen, por që tha se mund të ketë ndërlidhje edhe të personave të tjerë. Sa i përket motiveve, Mehmeti tha se është shumë herët që të flitet për një gjë të tillë.

Edhe kryetari i Komunës së Deçanit, Bashkim Ramosaj, i ka ftuar qytetarët që të bashkëpunojnë me organet e drejtësisë që të zbardhet sa më shpejtë ky rast.

LEXONI GJITHASHTU: 

LINI NJE KOMENT

Please enter your comment!
Please enter your name here


Etiketimet

Akuzat për manipulim në luftën për FSHF

Zgjedhjet për kreun e FSHF-së po shoqërohen me akuza për manipulim dhe ndërhyrje të politikës. Cila është rruga deri në asamblenë zgjedhore të 2...

Ambasadorja e SHBA takim me kreun e Gjykatës së Lartë

Ambasadorja e SHBA në Tiranë, Yuri Kim ka zhvilluar këtë të premte një takim me kreun e Gjykatës së Lartë, Sokol Sadushi. Ambasadorja thotë se...

Putin: Po studiojmë përgjigjen e SHBA për Ukrainën

Presidenti i Rusisë, Vladimir Putin akuzon SHBA dhe NATO se po injoron kërkesat kryesore të Rusisë për sigurinë. Këtë koment që është i pari për...

Regjistrohu për të marrë NEWSLETTER