Një ngjarje e rëndë ka tronditur Lipjanin pak para mesnatës ku si pasojë e të shtënave në një lokal ka mbetur i vdekur një person ndërsa dy të tjerë janë plagosur.

Ngjarja ka ndodhur në rrugën “Lidhja e Prizrenit” ndërsa policia tha se informatën e kanë marrë në ora 23:40, shkruan KosovaPress.

Bazuar në të dhënat e deritanishme janë ngritur dyshimet se deri te ngjarja e rëndë ka çuar një mosmarrëveshje mes disa personave.

Hetuesit policorë në koordinim me prokurorinë, po ndërmarrin veprimet hetimore për arrestimin e personave të dyshuar, si dhe janë duke punuar për ndriçimin e plotë të rastit i cili është cilësuar si vrasje e rëndë.

LEXONI GJITHASHTU:

• Asociacioni nuk duhet të jetë shtet brenda shtetit të Kosovës, thotë Escobar
• Serbët e Kosovës të përjashtohen nga reciprociteti, thotë Rakiç