Kryeministri Edi Rama ka hedhur poshtë zërat se Shefja e Kabinetit të Kryeministrisë, Vali Bizhga është kandidate për postin e presidentes.
Gjatë një konference për mediat nga Kryeministria, Rama u shpreh se procesi i zgjedhjes së presidentit ka stimuluar thashethemet.
“Procesi i zgjedhjes së presidentin është një proces që stimulon maksimalisht thashethemet dhe përzihen në vorbullën e thashethemeve, gjithëfarë emrash dhe gjithfarë njerëzish në të shumtën e herës pa dëshirën e tyre fare, siç është rasti në fjalë. Përgjigja ime është negative sepse nuk ka asnjë të vërtetë në këtë”, u shpreh Rama.
Ishte ish-kryeministri Sali Berisha, i cili pak ditë më parë deklaroi se Bizhga ishte emri i propozuar nga socialistët për presidente.
Sipas Berishës, qëllimi i Ramës që të gjejë një person që të jetë i gatshëm për t’u larguar kur ai të dojë të bëhet vetë President.
LEXONI GJITHASHTU
