Kryeministri Edi Rama ka dhënë detaje nga takimi që pati me NdihmëssSekretaren Amerikane të Shtetit për Evropën dhe Euro-Azinë, Karen Donfried.
Përmes një postimi në rrjetet sociale, Rama u shpreh se në takimin e zhvilluar në Kryeministri, u diskutua për ecurinë pozitive të reformave e situatën në rajon, teksa shtoi se Shtetet e Bashkuara mbështesin Ballkanin e Hapur.
“Kryeministria – Me Ndihmës/Sekretaren Amerikane të Shtetit për Evropën dhe Euro-Azinë, Karen Donfried. Diskutuam gjerësisht për ecurinë pozitive të reformave, forcimin e drejtësisë, investimet strategjike në energji, veton e Bullgarisë ndaj Maqedonisë së Veriut, situatën në rajon, si edhe për mbështetjen e plotë që Shtetet e Bashkuara i japin Ballkanit të Hapur. Konsideratat e Ndihmës/Sekretares për rolin e Shqipërisë në Këshillin e Sigurimit dhe në rajonin tonë ishin mbresëlënëse”, shkroi Rama në Facebook.
Pas takimit me Ramën, Donfried iu drejtohet Kryesisë së Kuvendit. Ajo zhvilloi një takim me kryetarin e grupit parlamentar të Partisë Demokratike, Enkelejd Alibeaj, Gazment Bardhin dhe Jorida Tabakun.
Ditën e djeshme zyrtarja u takua me komisionerin e BE, Oliver Varhelyi. Diplomatët e SHBA dhe BE theksuan rëndësinë e integrimit të shpejtë të rajonit që pas pushtimit të Ukrainës nga Rusia.
Zyrtarja e lartë e DASH ka nisur një tur takimesh në Ballkanin Perëndimor. Donfried vizitoi Bosnje Hercegovinën, Serbinë, Kosovën ndërsa dje ishte në Maqedoninë e Veriut.
Gjatë konferencës së djeshme në Shkup, Donfried tha se SHBA-të mbështesin Shqipërinë dhe Maqedoninë e Veriut në procesin e hapjes së negociatave me Bashkimin Europian.
LEXONI GJITHASHTU
- Alibeaj: SHBA mbështet një PD proamerikane që sheh nga e ardhmja
- Donfried kërkon që Maqedonisë së Veriut t’i hapen negociatat me BE-në
