Kryeministri Edi Rama tha në një deklaratë për mediat se qeveria shqiptare nuk do të linjëzohet me deklaratën kritikuese të BE-së ndaj Kosovës, pasi ajo nuk është në përputhje me zhvillimet e fundit.
Sipas kryeministrit të Shqipërisë në deklaratën e BE duhet të përfshihen ngjarjet e ndodhura në veri të kosovës ku një grup kriminal sulmoi policinë dhe vrau efektivin Afrim Bunjaku, si edhe për zinë kombëtare të shpallur nga serbia për vrasjen e sulmuesve serb në Kosovë.
“Shqipëria nuk u linjëzua me deklaratën e Bashkimit Europian. Ky fakt ka shkaktuar për hir të së vërtetës një pështjellim kur ja kemi përcjellë brukselit si një qendrim të Shqipërisë, pasi jemi përpjekur më herët që deklarata të reflektonte edhe ngjarjet e ditëve të fundit, si vrasja e efektivit të policisë së Kosovës si dhe shpalljen e zisë nga ana e serbisë.
Miqtë në Burksel na thanë se kjo nuk ishte e mundur pasi edhe deklarata e dhënë dje ishte në fakt konfirmimi nga blloku i vendeve anëtare të Bashkimit Europian i qëndrimit publik nga Borrell, pas takimit të dështuar të 14 shtatorit mes dy liderëve të Kosovës dhe Serbisë. Ne nuk kemi asnjë problem lidhur me kritikat që BE i ka bërë Kosovës, por publikimi i kësj deklarate duhet të bëhej njëkohësisht apo të paktën të pasohej pa humbur kohë nga një deklaratë e dytë për zhvillimet që sapo përmenda.
Na thanë se kjo nuk ishte e mundur momentalisht dhe se deklarata kritike ndaj Kosovës e kishte marrë mbështetjen e të gjitha vendeve anëtare dhe Shqipërisë i kërkohej linjëzimi me të si gjithmonë. Përgjigjja jonë ishte negative dhe qendrimi ynë natyrshëm nuk u prit mirë nga Brukseli. Ne jemi të keqardhur por nuk do ndryshojmë qëndrim”,-tha Rama duke shtuar se qeveria shqiptare do jetë gati të linjëzohet sapo të vijë deklarata që ne presim.
LEXONI GJITHASHTU:
- Plagosën me armë 28-vjeçarin, arrestohen babë e bir në Malësi të Madhe
- “Zbardhen 6 vrasje të bujshme”, Policia jep detajet: Ekzekutohen 12 urdhër arreste