Deputeti i Partisë Demokratike, Enkelejd Alibeaj është shprehur se ka dënuar me forcë aktin e dhunës ndaj Sali Berishës, pak minuta para protestës së opozitës.

Ai kërkon që autoritetet të zbardhin ugjentisht ngjarjen.

“Dënoj me forcë aktin e sotëm të dhunës ndaj Sali Berishës. Sulmi ndaj çdo politikani, e ndaj çdo individi, është një akt i dënueshëm dhe i pavend në një shtet funksional demokratik. Incidenti i sotëm duhet të zbardhet urgjentisht nga organet përgjegjëse ndërsa kultura e dhunës duhet përjashtuar njëherë e përgjithmonë nga zhvillimet e politikës në Shqipëri”, shprehet Alibeaj.

Ngjarja:

Gerti Shehu, 31-vjeç sulmoi mesditën e së martës kreun e PD-së Sali Berisha, teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë.

31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së.

31-vjeçari u shoqërua nga policia dhe aktualisht po merr mjekim në spitalin e Traumës, pasi ka dëmtime në fytyrë dhe fraktura në hundë.

Oficerët kanë tentuar dy herë për të marrë në pyetje të riun, por për shkak të gjendjes së tij shëndetësore, ai nuk ka dhënë deri tani asnjë dëshmi.

Dyshohet se 31-vjeçari vuan nga probleme të shëndetit mendor. Berisha ka akuzuar Ramën për ngjarjen.

LEXONI GJITHASHTU:

• “U skandalizuam për sulmin ndaj Berishës”, ambasada amerikane për Euronews Albania
• “Lironi mjeranin që më goditi”, thirrja e Berishës ndaj Policisë
• Dëmtime në fytyrë, gjendja shëndetësore e 31-vjeçarit që goditi Berishën