Pedagogu i fakultetit ekonomik Igli Tola prej dy vitesh nuk pati mundësi të niste studimet në doktoraturë për shkak të pezullimit 10 vjeçar të këtij programi.
Por me rihapjen e doktoraturës këtë vit ai është pjesë e 119 doktorantëve fitues nga 203 kandidatë në Fakultetin Ekonomik.
“Doktoratura është plotësim i pjesës sime profesionale. Fusha ime e studimit lidhet me pjesën e pastrimit të parave. Kjo do i shërbejë edhe një publiku më të gjerë për të gjetur zgjidhje, tha Igli Tola.
Ekonomiku është i pari fakultet në Universitetin e Tiranës që rifillon doktoraturat pas 10 vitesh pezullim. Në Fakultetet e tjera po prezantohen ende doktoraturat e mbetura pezull në që nga viti 2013.
“Është një vonesë që do e rikuperojmë me cilësi. Ne kemi konstatuar se ku janë pikat e interes të institucioneve, pra që mos bëhen punime nga ato që të rrinte në sirtarë, por të kenë efekt në zhvillimin ekonomik. Çdo punim do kalojë në departament”, u shpreh Dhori Kule.
Ky program ishte i pezulluar sepse u konstatua cilësi e dobët e doktoraturave të lëshuara si dhe mungesë në stafet udhëheqëse. Ndryshe nga 10 vite më parë ku një pedagog nuk kishte limit në udhëheqjen e studentëve, këtë herë është ndryshe.
“Aktualisht një profesor udhëheq maksimumi tre”, tha Kule.
Një doktorant paguan 450 mijë lekë për 3-5 vite pjesë në këtë program.
LEXONI GJITHASHTU:
