Juventusi rikthehet tek fitorja, bardhezinjtë mposhtën minimalisht Fiorentinën, triumfon edhe Napoli
Juventusi është rikthyer tek fitorja pas disa javësh në krizë rezultatesh, me bardhezinjtë që të dielën mposhtën Fiorentinën. Një përballje që prodhoi vetëm një gol në fraksionin e parë, e më pas shifrat mbetën të pandryshuara. Miqtë zhvilluan një paraqitje tejet pozitive duke qarkulluar më tepër topin ndaj të besuarve të Allegrit, por goli i Gattit në minutën e 21 bëri që 3 pikët të shkojnë në favor të bardhezinjve. 11 minuta më pas shënoi dhe Vlahoviç por goli i tij u anullua për pozicion të parregullt. Me këtë fitore Juventus qëndron i treti, duke mbajtur 4 pikë larg Bolonjan.
Fitore regjistruar të dielën dhe Napoli, Genoa dhe Cagliari, ndërsa Frosinone-Bologna u mbyll me rrjeta të paprekura. Kampionët në fuqi përmbysën Monzën në shifrat 2-4 duke u ngjitur kështu në vendin e shtatë në tabelë.
Djuriç zhbllokoi rezultatin për 1-0, ndërsa në fraksionin e dytë Osimhen, Politanio e Zielinski përmbysën rezultatin në 1-3, ndërsa Raspdori e çoi në 4 numrin e golave, pasi Colpani kishte ngushtuar diferencën. Rezultati final 2-4 për Napolin që nuk fitonte që prej përballjes me Juventusin.
