Muaji mars do të mbyllet me reshje shiu. Meteorologia e Meteoalb Lajda Porja tha në Euronews Albania se moti i paqëndrueshëm do të jenë prezent në të gjithë territorin gjatë kësaj jave.

Sot, nesër dhe të mërkurën do të ketë rrebeshe shiu kryesisht në veri dhe qendër, ndërsa duke nisur nga e enjtja dhe e premtja reshjet do të shtrihen në gjithë territorin. E shtuna dhe e diela do të sjellë zvogëlimin gradual të reshjeve.

Temperaturat ditën e sotme paraqiten të larta, deri në 22 gradë celsius për vlerat maksimale në zonat e ulëta, duke nisur nga nesër temperaturat maksimale do jenë deri në 18 dhe do vijnë gradualisht në rënie.

Problematikë e theksuar gjatë kësaj jave mbetet parametri i erës dhe stuhitë detare, sot era ka shpejtësi deri në 75 km/h, deti sot është 7 ballë, ndërsa e premtja dhe fundjava e zbut intensitet e erës.

LEXONI GJITHASHTU:

• Moti i keq, anulohet lundrimi i anijeve nga Porti i Vlorës për të dielën
• Moti i keq, pezullohet lundrimi i trageteve për disa linja detare