Një rrëshqitje masive dheu dhe gurësh ka bllokuar aksin rrugor kombëtar Ura e Dragotit-Këlcyrë, duke krijuar vështirësi të mëdha në qarkullim. Ngjarja ndodhi si pasojë e reshjeve të dendura të ditëve të fundit, të cilat kanë shkaktuar lëvizje të shtresave të dheut në zonë.
Masat e dheut dhe gurët që kanë rënë në rrugë kanë bllokuar kalimin e mjeteve në të dyja drejtimet, duke krijuar shqetësime për banorët dhe udhëtarët.
Në vendngjarje ka ndërhyrë menjëherë ekipi i mirëmbajtjes së aksit Tepelenë-Përmet, i cili ka punuar intensivisht për të pastruar rrugën dhe për të mundësuar qarkullimin. Aktualisht, rruga është hapur në një sens, duke lejuar lëvizjen e automjeteve, ndërsa puna për zhbllokimin e plotë të saj vijon.
LEXONI GJITHASHTU:
- U bllokuan në Shpellën e Pëllumbave, shpëtohen nga policia 7 turistët në Përmet
- Reshjet e dëborës, bllokohet aksi Strugë-Qafë Thanë