English

Rritet sërish numri i të prekurve, regjistrohen 17 raste të reja në 24 orët e fundit

KOMENTE

SHPERNDAJE
ARTIKULLIN

Text sizeAa Aa

Ministria e Shëndetësisë ka përditësuar të dhënat në lidhje me numrin e personave të infektuar nga pandemia globale COVID-19. Me anë të një deklarate për mediat, zëvendësministrja e Shëndetësisë, Mira Rakacolli, tha se në 24 orët e fundit janë shënuar 17 raste të reja, ndërsa numri total i të infektuarve në Shqipëri ka shkuar në 433.

- Advertisement -

Që nga fillimi i pandemisë dhe deri ditën e sotme, autoritetet shëndetësore shqiptare kanë kryer në total 3644 teste për raste të dyshuara, prej të cilave, kanë rezultuar pozitivë 433 persona në disa qytetet të Shqipërisë.

“Në 24 orët e fundit janë testuar 259 persona të dyshuar, prej të cilëve janë konfirmuar 17 raste të reja me COVID-19. Deri në këto momente janë testuar 3644 raste të dyshuara dhe prej tyre janë të konfirmuar pozitivë me COVID-19, 433 raste”, tha Rakacolli.

Fatmirësisht deri tani nuk raportohet për vdekje të reja për shkak të COVID-19, ndërkohë në orët e fundit 15 qytetarët janë shëruar nga coronavirus duke e çuar numrin e të shëruarve në 197.

“Betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor. Gjatë 24 orëve të fundit, 15 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 197. Ju informojmë se, në shërbimin infektiv aktualisht janë 53 të shtruar. 6 prej tyre janë në terapi intensive, ndërsa 2 pacientë janë të intubuar”, shtoi Rakacolli.

Në dy spitalet COVID në Shqipëri aktualisht po marrin mjekim 60 pacientë të infektuar nga coronavirus. Harta e të prekurve është zgjerua në Tiranë, Shkodër, Pukë,Lushnje, Krujë dhe Durrës.

Në spitalin COVID 2 “Shefqet Ndroqi”, janë 7 pacientë të shtruar. 5 pacientë janë në terapi intensive, prej tyre 4 pacientë janë të intubuar. Në dy spitalet COVID aktualisht po marrin shërbim 60 pacientë. Harta e të prekurve nga COVID-19 zgjerohet në Tiranë me 10 raste, Shkodër 3 raste, Pukë 1 rast, Lushnje 1 rast, Krujë 1 rast dhe Durrës 1 rast”, shtoi zëvendësministrja e Shëndetësisë.

Shpërndarja gjeografike e rasteve pozitive

– Tiranë           209 raste

– Durrës           39 raste

– Lushnje         6 raste

– Elbasan         15 raste

– Fier                32 raste

– Kavajë           8 raste

– Rrogozhinë    4 raste

– Korçë             17 raste

– Vlorë              5 raste

– Shkodër         52 raste

– Lezhë            14 raste

– Berat              2 rast

– Has                12 raste

– Krujë             6 raste

-Tropojë          4 raste

– Pukë              5 raste

– Mirditë           3 raste

Zonja Rakacolli apeloi te qytetarët që në rast se kanë shenja apo simptoma të COVID-19 të telefonojnë në numrat 127 dhe në numrin e gjelbër 0800 40 40.

“Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19.Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40”, shtoi ajo.

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?