Kharkiv, qyteti i dytë më i madh i Ukrainës, ka qenë nën sulme të vazhdueshme nga forcat ruse, të cilat janë intensifikuar gjatë festës së Krishtlindjeve. Sipas raportimeve të fundit, forcat ajrore ukrainase njoftuan praninë e dronëve të armikut pranë qytetit, duke i bërë thirrje qytetarëve të qëndrojnë në strehimore. Paralajmërime të ngjashme janë dhënë më vonë gjatë ditës.

Kryetari i bashkisë së Kharkiv, Ihor Terekhov, njoftoi se nga sulmet e ditës së Krishtlindjeve janë regjistruar dëme në 74 ndërtesa, ndërsa puna për riparimin e infrastrukturës së energjisë është duke vazhduar.

Oleg Sinegubov, kreu i administratës rajonale të Kharkiv, raportoi se 500,000 qytetarë të zonës kanë mbetur pa energji elektrike, ndërsa 520,000 të tjerë janë pa ngrohje dhe ujë. Ai siguroi se autoritetet po bëjnë gjithçka të mundur për të rivendosur furnizimin me energji, ngrohje dhe ujë në sa më shumë shtëpi të jetë e mundur.

Përveç dëmeve materiale, një grua 53-vjeçare humbi jetën si pasojë e zjarrit të shkaktuar nga mortaja të armikut, njoftoi Sinegubov. Situata mbetet e tensionuar, ndërkohë që qytetarët e Kharkiv vazhdojnë të përballen me pasojat e sulmeve ajrore.

Kujtojmë se Rusia intensifikoi sulmet ndaj Ukrainës këtë 25 dhjetor, ku qytetarët ishin përgatitur për kremtimin e Krishtlindjes ortodokse.

LEXONI GJITHASHTU:

• Putin: Rusia gati për negociata, por marrëveshja të mos firmoset nga Zelensky
• Putin: Duhet të kisha pushtuar Ukrainën më herët