Një aksident i rëndë ka ndodhur pasditen e kësaj të enjteje rreth orës 15:30 në aksin rrugor “Lezhë-Milot”. Bëhet me dije se një kamion është përplasur me një automjet në të cilin udhëtonte një punonjës policie që sapo kishte përfunduar shërbimin.
Policia e Lezhës bën me dije se ka shoqëruar drejtuesin boshnjak të kamionit, ndërkohë që punonjësi i policisë është transportuar me urgjencë në spital, ku po merr kujdesin e nevojshëm mjekësor.
Grupi hetimor dhe oficerët e AMP-së, në drejtimin e Prokurorisë, po vijojnë punën në vendngjarje, për sqarimin e rrethanave të aksidentit.
“Rreth orës 15:30, në aksin rrugor “Lezhë-Milot”, kamioni me drejtues shtetasin boshnjak Nj. G. është përplasur me automjetin me drejtues shtetasin Gj. V., punonjës policie i DVP Lezhë, i cili sapo kishte përfunduar shërbimin.
Si pasojë e aksidentit është dëmtuar shtetasi Gj. V., i cili po dërgohet në spitalin e Traumës, Tiranë, për ndihmë mjekësore.
Me shtetasin Nj. G. po kryhen veprimet procedurale”, njofton policia e Lezhës.
LEXONI GJITHASHTU:
- “Bobo e gjetëm” Trupi i pajetë i shoferit gjendet mes shkureve 1 ditë pas aksidentit
- Makina del nga rruga në Dardhë, plagosen rëndë burrë e grua
