Presidenti Donald Trump ka shpallur gjendjen e jashtëzakonshme teksa numri i personave të prekur e ka tejkaluar 1 mijë raste ndërsa 33 persona kanë humbur jetën, 31 prej të cilëve në Uashington.
Duke folur nga ambientet e jashtme të Shtëpisë së Bardhë, në krah të zv/presidentit Mike Pence, Trump tha: “Jemi duke punuar me intensitet. Kemi bërë një përparim të jashtëzakonshëm”.
“Europa është cilësuar si epiqendra e momentit dhe i kemi mbyllur kufijtë me ta disa kohë më parë”, shtoi ai.
Trump tha se shpalli gjendjen e jashtëzakonshme në mënyrë që të lirohet fondi federal prej 50 miliardë dollarësh.
“Nuk do të kursejmë asgjë”, tha Trump.
Ai tha se nga e diela në mbrëmje do të bëhet i mundur furnizimi i 1.4 milionë testeve dhe i pesë milionë të tjerave brenda muajit, por tha se “dyshoj se ato do të na nevojiten”.
To unleash the full power of the Federal Government in this effort, today I am officially declaring a National Emergency. pic.twitter.com/yu2GBcxWD6
— Donald J. Trump (@realDonaldTrump) March 13, 2020
“Kjo do të kalojë. Ne do të jemi edhe më të fortë. Kemi mësuar shumë”, tha Trump.
Më herët gjatë javës, ish zv/presidenti Joe Biden tha se përgjigja e administratës së Trump ndaj virusit e kishte zënë Amerikën “krejt të papërgatitur”.
E ndërsa Trump e presin zgjedhjet në nëntor, disa krahasime janë bërë me zgjedhjet e vitit 2008 kur kriza financiare i dha një shuplakë të madhe administratës së George W. Bush, partia e së cilit u mund një vit më pas nga Barack Obama.
