Administrata e presidentit Donald Trump ka shpallur se në mars do të rritet tarifa e importeve për avionët e BE-së, nga 10 në 15 për qind.
Ata kanë vënë kryesisht në shënjestër kompaninë europiane të prodhimit të avionëve Airbus.
Tarifa prej 10 për qind ka rihyrë në tetor pasi Organizata Botërore e Tregtisë (OBT) dha vendimin se SHBA ka të drejtën ligjore që të vendosë tarifa me një shumë prej 6.9 miliard eurosh.
Kjo ndodhi pasi BE-ja u kap teksa subvenciononte në mënyrë të fshehtë kompaninë Airbus, sipas OBT-së.
Por, OBT-ja gjithashtu deklaroi se edhe SHBA ishte fajtore për subvencionimin e gjigandit amerikan të prodhuesve të avionëve, Boeing.
Që nga vendimi i tetorit, SHBA ka përplasur BE-në edhe me një tarifë tjetër prej 25 për qind për produkte si vera, djathi, kafja dhe ullinjtë.
Kompania Airbus u shpreh se “është thellësisht e keq ardhur” për tarifën, për të cilën beson se do i shtojë edhe më tej tensionet tregtare midis SHBA dhe BE-së.
