Një incident i rëndë ka ndodhur pranë Shtëpisë së Bardhë, ku Shërbimi Sekret Amerikan qëlloi një person të armatosur pas një konfrontimi të armatosur.

Sipas një deklarate të Shërbimit Sekret, incidenti ndodhi rreth mesnatës, një bllok larg Shtëpisë së Bardhë.

Policia kishte informuar Shërbimin Sekret për një individ që mund të ishte në udhëtim nga Indiana drejt Uashingtonit, i cili mbante armë dhe kishte sjellje të dyshimta.

Gjatë konfrontimit, personi nxori armën dhe shkaktoi një përplasje të armatosur, në të cilën agjentët e Shërbimit Sekret hapën zjarr.

Fatmirësisht, asnjë efektiv i Shërbimit Sekret nuk u lëndua gjatë incidentit. I plagosuri u transportua menjëherë në spital për trajtim mjekësor.

Gjendja e tij shëndetësore mbetet e panjohur për momentin.

Sipas autoriteteve, në momentin e incidentit, presidenti Donald Trump ndodhej në Florida.

Hetimet për ngjarjen janë marrë përsipër nga Departamenti i Policisë Metropolitane, pasi përfshinë forca të zbatimit të ligjit dhe mund të kenë ndikim në sigurinë publike.

LEXONI GJITHASHTU:

• “Trump do të mbrojë interesat e popullit amerikan”, reagon Shtepia e Bardhë
• U largua nga Shtëpia e Bardhë, reagon Zelensky: Faleminderit për mbështetjen Amerikë