Një person ka humbur jetën në Sarandë pasi është goditur me thikë.
Ngjarja ndodhi rreth orës 18.30 në lagjen nr. 1 të qytetit pas sherrit mes disa personave.
Sherri dyshohet se ka ndodhur pas një konflikti të çastit.
“Sot, rreth orës 18:30, në lagjen Nr.1, Sarandë, dyshohet se gjatë një konflikti të çastit, ka mbetur i dëmtuar me mjete prerëse një shtetas ende i paidentifikuar, i cili pasi është transportuar në spitalin e Sarandës, si pasojë e dëmtimeve të marra ka ndërruar jetë”, thotë policia e Sarandës.
Shërbimet e Policisë dhe grupi hetimor kanë shkuar menjëherë në vendngjarje dhe po vijojnë punën intensive për zbardhjen e plotë të rrethanave të ngjarjes, identifikimin dhe kapjen e autorit si dhe identifikimin e shtetasit që ka ndërruar jetë”, thotë policia e Sarandës.
LEXONI GJITHASHTU: